نجم الزمالك الصاعد وكابتن منتخب الناشئين يوجه رسالة إلي جماهير ناديه

 كتب قائد منتخب الناشئين مواليد 2009 أحمد صفوت لاعب نادي الزمالك "بوست" علي الفيس بوك ، بعدما لاحظ وجود أكثر من صفحة بإسمه انتشرت مؤخرا بعد تألقه في كأس الخليج بقطر .
تسبب ذلك في إزعاجه مما جعله يوجه لجمهوره .. قال فيها : 
رسالة مهمة لكل جمهور الزمالك العظيم..
يمكن ناس كتير تعرف اسمي، ويمكن تلاقوا أكاونتات وصفحات كتير باسمي، لكن حابب أوضح لكم حاجة مهمة.
أنا أحمد صفوت، لاعب نادي الزمالك، وعمري ما كنت من الناس اللي بتحب الظهور على السوشيال ميديا كتير، لأن تركيزي الأول والأخير دايمًا كان في الملعب، وفي إني أطور من نفسي وأكون قد ثقة النادي والجمهور اللي بحبه.
لكن بسبب وجود حسابات كتير مزيفة باسمي، قررت أوضح لكم إن ده حسابي الشخصي الرسمي الوحيد، والموثّق بالعلامة الزرقاء.
وأي حساب تاني باسمي غير الحساب ده، أنا مش مسؤول عن محتواه أو أي كلام بيتنشر من خلاله.
جمهور الزمالك مش مجرد جمهور بالنسبة لي.. ده بيتي وسندي، ودعمكم بيفرق معايا أكتر مما تتخيلوا.
مش داخل أطلب شهرة ولا أعمل لنفسي ضجة، أنا كل اللي بتمناه إنكم تعرفوني من خلال الملعب قبل أي مكان تاني، وتكونوا جزء من رحلتي من بدايتها.
لسه المشوار طويل، وإن شاء الله أكون عند حسن ظنكم، وأقدر أفرحكم وأرفع اسم الزمالك دايمًا.